Watanzania Wang’ara Duniani mitihani ya Cambridge

Dar es Salaam. Wanafunzi wawili wa Shule ya Academic International Tanzania, wameweka historia katika mitihani ya mtalaa wa Cambridge baada ya kushinda nafasi ya kwanza duniani kwenye masomo ya hisabati na kompyuta.

Harshvardhan Babla amekuwa wa kwanza mtihani wa somo la Kompyuta kwa wanafunzi wa kidato cha tano, huku Abishek Sankaranarayanan akishika nafasi ya kwanza katika somo la Hisabati kidato cha nne.

Wanafunzi hao walikabidhiwa vikombe na vyeti juzi na Mkurugenzi wa Kituo cha Utamaduni wa China, Inder Jit Sagar.

Pia, walimu wa masomo hayo; Thadei Mwinuka anayefundisha somo la Kompyuta na Walter Mlowe wa Hisabati nao walikabidhiwa vyeti vya pongezi.

Akizungumza katika hafla maalumu ya kuwapongeza, mkuu wa shule hiyo, Shyama Santhosh alisema wamefarijika na ushindi huo ambao umeiletea sifa shule, walimu na nchi.

“Huu ni ushindi mkubwa kwa shule, walimu na nchi, mtihani wa Cambridge unafanywa na maelfu ya shule duniani na shule yetu imeibuka katika nafasi ya kwanza kwa masomo hayo mawili, ni jambo la kujivunia hii inaonyesha walimu wetu wapo makini,” alisema.

Mkurugenzi wa shule hiyo, Yusuf Kalindaga alisema wanajivunia matokeo hayo ambayo yamewafanya kuwa shule pekee Tanzania kushika nafasi hizo.

“Nimefarijika na kuvutiwa na matokeo ya wanafunzi hawa wawili, walimu wetu wa masomo ya Kompyuta na Hisabati kwa kufanya kazi kubwa,’ alisema Kalindaga.

kuhakikisha kuwa wanafunzi wanaowafundisha wanashika mafundisho yao na shule kwa sasa inafarijika kwa matokeo mazuri.

Akizungumza katika hafla hiyo Harshvardhan Babla aliyekuwa wa kwanza katika mtihani wa somo la kompyuta aliwapongeza walimu na viongozi wengine wa shule hiyo kwa mafundisho mazuri na kushika nafasi ya kwanza Duniani.

Babla alisema kuwa haikuwa kazi rahisi kwa mitihani ilikuwa migumu sana, lakini alizingatia mafunzo na kujibu vizuri maswali na kuibuka katika nafasi ya kwanza. Abishek Sankaranarayanan aliyeshinda nafasi ya kwanza katika mtihani wa hisabati alisema kuwa ushindi huo si faraja kwake tu, bali kwa wanafunzi wote wa shule hiyo, walimu na wafanyakazi wengine.

Abishek alisema kuwa amejituma kwa lengo la kushinda na bado anaaamini kuwa atafanya vyema katika mitihani mengine.

Mkurugenzi wa Kituo cha Utamaduni wa China, Inder Jit Sagar aliipongeza shule hiyo kwa kufanya vyema na kuijiweka katika ramani ya dunia kutokana na ukweli kuwa nchi nyingi zinafanya mitahani ya mtahala wa Cambrigde.

-MWANANCHI

MSAJILI AZUIA RUZUKU YA SH468 MILIONI ZA CUF.. SOMA HAPA

Dar es Salaam. Katibu Mkuu wa CUF, Maalim Seif Sharif Hamad amesema Msajili wa Vyama vya Siasa, Jaji Francis Mutungi amezuia ruzuku yao tangu Agosti na akataja matukio tisa ambayo amesema yanaonyesha jinsi mlezi huyo wa vyama vya siasa na Jeshi la Polisi wanavyomlinda Profesa Ibrahim Lipumba, ambaye ana mgogoro na chama hicho.

Chama hicho kiliingia kwenye mgogoro wa kiuongozi baada ya Profesa Lipumba kuandika barua ya kujivua uenyekiti wakati wa kuelekea Uchaguzi Mkuu uliopita na mwaka huu akaandika barua nyingine ya kufuta uamuzi wake, lakini chama hicho kikaendelea na mchakato wa kujadili uamuzi wa kujiuzulu na kuupitisha.

Hata hivyo, alipinga uamuzi huo na juhudi za kuondoa utata huo zilifika kwa Msajili ambaye alitangaza kuwa bado anamtambua Profesa Lipumba kuwa mwenyekiti, hatua ambayo imezua mgogoro wa kiuongozi kutokana na chama hicho kupinga uamuzi wa kumtambua.

Jana, Maalim Seif aliwaambia waandishi wa habari kuwa tangu Agosti Msajili amekuwa hawapi fedha zao za ruzuku kwa maelezo kuwa chama hicho kina mgogoro.

“Nilimuandikia kumweleza kuhusu ruzuku, lakini akasema fedha hizo zitatolewa mgogoro utakapoisha. Nilimuuliza ‘sasa mbona ulitaka kumpa Lipumba?’” alisema Maalim Seif jana jijini Dar es Salaam.

Maalim Seif, ambaye alisema CUF hupata Sh117 milioni kwa mwezi, alidai kwamba Msajili alitaka kuidhinisha fedha hizo zitolewe kwa Profesa Lipumba anayetambuliwa na ofisi yake, lakini mpango huo uligonga mwamba.

Akizungumzia ruzuku, Naibu Katibu Mkuu wa CUF-Bara, Magdalena Sakaya, ambaye amesimamishwa uongozi, alisema ni kweli chama hicho hakijapokea ruzuku kutokana na mgogoro unaoendelea.

Sakaya alibainisha kuwa hivi sasa kinajiendesha kwa michango ya wabunge na wanachama wake.

Akizungumzia mikutano ya chama, Maalim Seif alisema Profesa Lipumba amekuwa akifanya mikutano kwa baraka za Jeshi la Polisi na Msajili, huku wao wakinyimwa haki hiyo.

Katibu huyo alisema hayo yote yametokana na safari yake nchini Marekani ambako alikwenda Juni mwaka huu, kuieleza jumuiya ya kimataifa kilichojiri kwenye Uchaguzi Mkuu hadi kusababisha CUF kususia uchaguzi wa marudio wa Rais Zanzibar.

“Wakubwa hawakufurahia ziara yangu ya nje. Wanasema nimekwenda kuwavua nguo nje. Nimekwenda kuwavua nguo au wamejivua wenyewe?” alihoji Maalim Seif ambaye alikuwa mgombea urais Zanzibar katika Uchaguzi wa Oktoba 25 mwaka jana kabla ya matokeo kufutwa.

“Mambo wameyafanya wazi wenyewe, yameonekana na kila mtu. Sasa ni mimi, ni wao?” alihoji Maalim Seif.

“Hizi ni njama za kurudisha nyuma jitihada zangu mimi. (Wanataka) Wanifunge na mgogoro ili nisiendelee. Lakini hakuna, nitaendelea.”

Maalim Seif alisema tangu chama hicho kiingie kwenye mgogoro, kumekuwa na matukio ambayo yamedhihirisha kuwapo na hujuma dhidi ya CUF.

Katibu huyo alitaja matukio aliyodai kuwa chama chake kinafanyiwa hujuma na polisi kwa kushirikiana na Jaji Mutungi kuwa ni kuvamia na kusababisha vurugu kwenye Mkutano Mkuu Maalumu kwa CUF uliofanyika Agosti 21 kwenye ukumbi wa Hoteli ya Blue Pearl jijini Dar es Salaam.

Mkutano huo ndiyo uliokubaliana na uamuzi wa Profesa Lipumba kujiuzulu, lakini ulipofikia hatua ya kumchagua mwenyekiti mpya, vijana wanaomuunga mkono msomi huyo waliingia na kuibuka vurugu zilizosababisha mkutano kuvunjika.

Maalim Seif alisema wajumbe 476 waliridhia kujiuzuru kwa Profesa Lipumba dhidi ya 16 ambao hawakuridhia.

“Profesa Lipumba na wafuasi wake walivamia mkutano na kufanya vurugu wakishuhudiwa na askari polisi bila kuchukuliwa hatua zozote,” alisema makamu huyo wa kwanza wa Rais wa Serikali ya Umoja wa Kitaifa (SUK) iliyoongoza Zanzibar kwa kipindi kimoja (2010-2015).

Alisema tukio la pili ni utekaji wa wanachama na viongozi wa CUF, akisema licha ya matukio hayo kuripotiwa polisi na ushahidi usiokuwa na shaka, hakuna hatua zilizochukuliwa dhidi ya wahusika.

Katibu huyo alidai Septemba 16, kaimu naibu katibu mkuu, na mkurugenzi wa uchumi na fedha, Joram Bashange alitekwa wakati akitoka nyumbani kwake na watu aliosema wako upande wa kundi la wapinzani wao.

Alitaja tukio la tatu kuwa ni uvamizi wa ofisi kuu ya makao makuu ya CUF aliodai umefanywa na kundi la wafuasi wa Profesa Lipumba.

Maalim Seif alidai kuwa wafuasi wa Profesa Lipumba walivunja na kupiga walinzi waliokuwapo katika ofisi hizo zilizopo Buguruni jijini Dar es Salaam.

“Wakati wanatakeleza hayo, walikuwa na ulinzi wa polisi,” alidai Maalim seif.

Maalim Seif alitaja tukio la nne kuwa ni uvamizi wa ofisi za CUF wilaya ya Mkuranga na Bagamoyo, ambako amedai wafuasi wa Profesa Lipumba walivunja makufuli ya milango ya ofisi hizo na kuweka ya kwao ili kuzuia shughuli za ofisi zisiendelelee.

Maalim Seif alisema tukio la tano ni kuzuiwa kwa wajumbe na wabunge wa chama hicho wasifanye mkutano mkoani Mtwara bila ya kupewa sababu, wakati Profesa Lipumba akiruhusiwa kufanya mikutano yake.

“Jeshi la Polisi limekuwa likimlinda na kumkingia kifua Lipumba,” alisema.

Tukio la sita ni jeshi la polisi kuzuia kufanyika kwa mkutano wa CUF mjini Tanga bila ya kutoa sababu ya zuio hilo, wakati akitaja tukio la saba kuwa ni kutekwa kwa mlinzi wa chama hicho, Mahamed Said.

Kiongozi huyo alidai kuwa mlinzi huyo alitekwa mbele ya walinda usalama, lakini hawakuchukua hatua zozote.

Tukio la nane ni zuio la polisi la kufanyika kwa mkutano wa ndani wa CUF, Mtwara na Lindi licha ya kuomba kibali kwa jeshi hilo.

Tukio jingine kwa mujibu wa mwanasiasa huyo mkongwe ni lile lililotokea Novemba 24, siku ambayo anadai walinzi wanaomuunga mkono Profesa Lipumba walitaka kuwazuia baadhi ya viongozi wa chama hicho wasiingie Mahakama Kuu kusikiliza kesi iliyofunguliwa dhidi yake pamoja na Msajili.

Akizungumzia madai hayo, Kamishna wa Polisi, Operesheni na Mfunzo, Nsato Marijani alisema Jeshi la Polisi halina upendeleo kwa upande wowote.

Alisema jeshi hilo linatambua kuwa kuna mvutano kati ya pande mbili za uongozi wa CUF, na kwamba upande moja ukitaka kufanya mkutano, upande mwingine unapanga kufanya vurugu.

“Hatuna upendeleo ila hali halisi ndiyo inatufanya tuzuie. Ndiyo maana tunahimiza wakae na wazungumze,” alisema Kamishna Marijani.

MAKONDA AKARIBISHWA NA VITUKO VYA WALEVI, SOMA HAPA

Mkuu wa Mkoa wa Dar es Salaam, Paul Makonda jana alishuhudia jinsi watu wanavyokunywa pombe mchana katika Kata ya Tandale ambako mmoja wa wanywaji hao alimueleza jinsi anapokuwa amekunywa kilevi hicho cha kienyeji anavyokuwa ‘safi.’

Makonda alimhoji mwenyekiti wa mtaa huo kuwa ni biashara gani inafanyika eneo hilo lakini kabla hajajibiwa, mmoja wa wanywaji ambaye alionekana kuwa amelewa alimwambia Makonda, “Ulikuwa unaongea na mimi, pombe ya kienyeji ungeuliza hii inaitwa pombe gani,” alisema mnywaji huyo.

Makonda alimuuliza hiyo ni pome gani na kujibiwa na mnywaji huyo, “Eee ungeuliza hivyo, hii inaitwa mashine kubwa yaani skadi, eee skadi halafu ukinywa hii unakuwa safi.”

Majibu hayo yalimfanya Makonda ahoji kama kweli hiyo ni pombe au kuna kitu kingine huku mnywaji huyo akiendelea kunywa na kuwafanya wanaoshughudia tukio hilo kuangua kicheko.

Akiwa Uwanja wa Fisi, Kata ya Manzese, wilayani Kinondoni Makonda alisema nyumba zilizopo hapo zitavunjwa na Serikali itajenga majengo kwa ajili ya viwanda vidogovidogo.

Akiwa katika eneo hilo maarufu kwa biashara ya pombe na ngono ikiwa ni sehemu ya ziara ya kutembelea Mkoa wa Dar ea Salaam, alisema nyumba hizo zitabomolewa katika bajeti ya mwaka wa fedha 2017/18 na wamiliki wake watalipwa fidia.

Alisema kama mwekezaji wa eneo hilo atapatikana, basi uvunjaji wa nyumba hizo utafanywa haraka ili kujenga majengo hayo.

Alisema Taifa haliwezi kuendelea kuwa na maeneo kama hayo ambayo yanaharibu maadili ya watoto wanaoishi jirani na hapo.

Uamuzi huo wa mkuu wa mkoa ulishangiliwa na wananchi wengi waliohudhuria mkutano huo uliofanyika katika Uwanja wa Shule ya Msingi ya Tandale.

Wananchi wengi walisema maadili ya watoto wao yanaharibika kutokana na vitendo vinavyofanywa na baadhi ya watu kwenye Uwanja wa Fisi.

Eneo hilo ni changamoto katika malezi ya watoto hasa wanafunzi wanaosoma shule za jirani, pia ni maarufu kwa matumizi ya dawa za kulevya hususan bangi.

JINSI YA KUISHI USAWA WA MAGUFULI, SOMA HAPA

Maisha ya kulalamikia ugumu wa hali ya maisha, hayana budi kufikia kikomo. Serikali imeshaamua kubana matumizi na wananchi hawana budi kwenda sawia na matakwa ya Serikali ya Awamu ya Tano inayoongozwa na Rais John Magufuli.

Tangu Rais Magufuli alipoingia madarakani, amekuwa akihubiri kuwa “mtu asiyefanya kazi na asile”, huku akihimiza kila mwananchi kuchapa kazi kwa bidi ili kujipatia kipato ambacho kitamwezesha kulipa kodi halali.

Rais amepambana na ufisadi, amefuatilia wakwepa kodi, amefuta posho na mikutano ya Serikali hotelini, amedhibiti safari za ndani na nje ya nchi zisizo muhimu na ameagiza fedha zote za mashirika na taasisi zake zihifadhiwe Benki Kuu ya Tanzania (BoT).

Mikakati hiyo imetafsiriwa na wachumi kuwa inazuia mzunguko wa fedha na hivyo kusababisha ukata.

Fedha zimepotea, biashara haziendi, benki zinayumba, baadhi ya viwanda vinapunguza wafanyakazi, mizigo bandarini imepungua na wananchi waliokopa ili kupata fedha za kusaidia kuendesha maisha, sasa wanalia hali ngumu; wanashindwa kufanya marejesho. Matokeo yake ni kilio kila kona.

Kutokana na hali hiyo, gazeti la Mwananchi liliwahoji wasomi na wachambuzi wa uchumi kutaka kujua mwananchi anawezaje kuishi katika hali kama hiyo au afanye nini?

Kwa ujumla, ushauri wao ulikuwa ni kuwataka wabadilike, huku msomi mmoja akisema kama mtu alikuwa akinywa bia moja kwa siku, sasa anywe kimpumu.

Lakini ushauri mwingine ni watu waishi kwa kubana matumizi; wawekeze kwenye kilimo ili kuongeza uzalishaji; kuangalia biashara inayofaa kufanya na kuishi maisha yao halisi badala ya kuendekeza matumizi makubwa ya fedha ambazo hazionekani.

“Wananchi wabadilishe matumizi kwa kuachana na yale yasiyo ya lazima. Kama mtu alikuwa anakunywa bia tano kwa siku, anywe moja na kama alikuwa anakunya bia moja kwa siku, anywe kimpumu,” alisema Profesa Damian Gabagambi wa Chuo Kikuu cha Kilimo cha Sokoine.

Hata hivyo, aliishauri BoT, ambayo huishauri Serikali katika masuala ya uchumi, kusikia kilio cha wananchi ili kuwe na ahueni ya uchumi.

“Benki Kuu ndiyo hufanya tathmini ya uchumi na kutoa taarifa kwa Serikali. Wasikie kilio cha wananchi kwa kuongeza fedha kwenye mzunguko na kwa hali ilipofikia wangechapisha hata fedha ili ziongezeke kwenye mzunguko,” alisema.

Akizungumzia chanzo cha hali ya maisha kuwa ngumu, Profesa Gabagambi alisema ni kutokana na hatua ya Serikali kubana matumizi kwa lengo la kuondoa yasiyo ya lazima na kushusha mfumuko wa bei.

“Ni kweli mfumuko wa bei umeshuka sana, lakini kiuchumi mfumuko una uhusiano wa karibu na ajira. Jinsi unavyoshuka ndiyo nafasi za ajira zinavyopungua, ukipanda na ajira zinaongezeka. Kwa hiyo zinahitajika hesabu kubwa za kuudhibiti na kulinda ajira,” alisema.

“Kama Serikali haitarekebisha hili, maisha yatakuwa magumu zaidi, kampuni zitafungwa na hata zitakazobaki zitazalisha fedha za kujiendesha tu na Serikali haitapata kodi zitokanazo na wafanyakazi.”

Maoni yake hayajatofautiana na ya Profesa Haji Semboja wa Chuo Kikuu cha Dar es Salaam (UDSM).

“Watu wanaweza kugeukia sekta ya kilimo ili wasiguswe moja kwa moja na hali ngumu ya kiuchumi iliyojitokeza,” alisema Profesa Semboja.

Hata hivyo, alisema hali iliyopo sasa ni ya muda mfupi kwa sababu ni mabadiliko ambayo watu hawajayazoea na kwamba baada ya muda fulani, hali itakuwa ya kawaida na maisha yataendelea kama zamani.

“Kuongeza uzalishaji ndiyo suluhisho litakalowafanya wananchi waendane na hali halisi. Wengine walizoea njia za mkato, lakini sasa maisha yanakuwa magumu. Lazima watu wafanye kazi kama Rais Magufuli anavyosisitiza kila siku,” alisema.

Profesa Semboja alisema mkakati wa kubana matumizi umeisaidia Serikali kutekeleza mipango yake mbalimbali ikiwamo kugharamia elimu ya bure kwa wanafunzi, ujenzi wa miundombinu na ununuzi wa ndege za Serikali.

Mhadhiri wa UDSM, Dk Ulingeta Mbamba alisema katika kipindi hiki ni vyema watu wakaishi kulingana na hali ilivyo.

“Lazima tuwe adaptive (kubadilika kulingana na hali), ni muhimu sana kubadilika,” alisema.

Mhadhiri huyo wa Shule ya Biashara ya UDSM alisema ni lazima kufanya tathmini ya vyanzo vya mapato ili kujua ni kipi hakizalishi kama ilivyokuwa zamani.

“Huwezi kuishi maisha ya leo kwa kipato cha jana. Kama hali ya jana ilikuwa nzuri tofauti na leo, ishi kulingana na kipato cha leo,” alisema.

Dk Oswald Mashindano kutoka Taasisi ya Utafiti wa Uchumi na Jamii (ESRF) alisema ni lazima kila mwananchi afanye kazi na alipwe kutokana na kazi hiyo.

“Unajua tulizoea kupata fedha za ‘kupiga’. Watu walitumia vibaya fedha za Serikali. Kila mtu afanye kazi na alipwe kwa kazi hiyo,” alisema Dk Mashindano.

Dk Mashindano alisema lengo la Serikali ni zuri kama itakuwa inabana matumizi ambayo hayana faida, hasa fedha zisizolipiwa kodi, lakini inakosea kama itabana hadi mianya ya kukuza uchumi.

Alisema Serikali inafanya makosa kuongeza kodi kwa wananchi ambao wengi wao wana kipato kidogo.

“Ningeshauri Serikali ilenge maeneo ambayo hayajaguswa, kwa mfano kwenye uwekezaji hasa wa madini, utalii na sekta isiyo rasmi. Wanaokatwa kodi ni wafanyakazi wa sekta rasmi, lakini sekta isiyo rasmi wameachwa kwa sababu hawako kwenye kumbukumbu za Serikali,” alisema Dk Mashindano.

Lakini Waziri Kivuli wa Fedha na Mipango, Halima Mdee amesema hakuna njia ambayo wananchi wanaweza kuitumia zaidi ya kuishinikiza Serikali kutengeneza mazingira bora ya kibiashara kwa benki na wafanyabiashara wa kawaida.

Mdee, ambaye pia ni Mbunge wa Kawe (Chadema), alisema benki za biashara nchini sasa zina hali ngumu na kwamba zinashindwa kutoa mikopo kwa wananchi kwa sababu Serikali imeacha kuweka fedha zake huko.

“Mazingira ya sasa si mazuri kibiashara. Hii inasababishwa na kukosekana kwa sera maalumu inayosimamia mpango wa kubana matumizi na kuainisha maeneo ya kubana matumizi,” alibainisha mbunge huyo.

“Lazima tuwe guided (tuongozwe) na sera katika kubana matumizi na si mawazo ya mtu mmoja. Haya yote yasingetokea kama tungekuwa na sera iliyoandikwa baada ya kufanya tafiti na kubainisha maeneo ambayo wanaweza kupunguza matumizi,” alisema.

Profesa Gaudence Mpangala wa Chuo cha Kikuu cha Ruaha (Rucu) alisema kuna haja ya Serikali kutumia vyombo vyake katika kufanya uamuzi na kupitisha mipango ambayo haitawaumiza wananchi.

Alisema mpango wa kubana matumizi ulitakiwa kupitia bungeni ili waujadili na kuishauri Serikali. Alisema tafiti ni muhimu kwenye uamuzi ambao unawaathiri wananchi moja kwa moja.

“Suala hili liko nje ya uwezo wa wananchi, Serikali ndiyo inaweza kurekebisha hali ya maisha yao. Tunataka kuona Serikali inaangalia maisha ya wananchi wake badala ya kuangalia upande wake tu,” alisema Profesa Mpangala.

Habari njema

Hata hivyo, Waziri Habari, Utamaduni Sanaa na Michezo, Nape Nauye amewatoa hofu wananchi akieleza kuwa ukame wa fedha uliopo mitaani si bahati mbaya, bali ni mkakati wa Serikali kuweka nidhamu ya fedha itakayowezesha kukuza uchumi.

“Hatutaacha wananchi waumie sana, baada ya muda tutaachia fedha mitaani lakini si kwa wapiga dili, bali kwa wanaofanya biashara na kazi za halali,” alisema.

ZIARA YA MAKONDA UWANJA WA FISI DAR, JIONEE HAPA

Mkuu wa mkoa wa Dar es Salaam, Paul Makonda akibisha hodi kwenye mlango mmoja katika banda linalodaiwa kutumiwa kwa biashara ya ukahaba, katika eneo maarufu kwa jina la Uwanja wa Fisi, lililopo, Tandale Kata ya Manzese, akiwa katika siku ya tisa ya ziara yake mkoani humo leo. Wapili ni Mkuu wa Wilaya ya Kinondoni, Salum Hapi na Kamanda wa  Polisi Kanda Maalum ya Dar es Salaam, Simon Sirro. 
 
Jumapili Novemba 27 Mkuu wa Mkoa wa Dar es Salaam, Paul Makonda aliendelea na ziara yake katika maeneo mbalimbali ya jiji la Dar es Salaam akiwa na lengo la kusikiliza kero za wananchi na kuzitatua.
Akiwa katika ziara hiyo, Mkuu wa Mkoa alipita katika viunga vya Kata ya Manzese na kutokea sehemu ambapo kula kilabu kinachouza pombe za kienyeji huku watu waliokuwa eneo hilo wakionekana kuwa wamelewa kiasi cha kutotambuana.
“Hii achana nayo kabisa ni moto wa kuotea mbali. Hebu niikate kidogo uone,” Mzee aliyefahamika kwa jina la Mandela alisikika akimtambia Paul Makonda huku akipiga funda la pomne hiyo ya kienyeji hali inayoonyesha kuwa hakuwa akifahamu kuwa anayezungumza naye ni Mkuu wa Mkoa.
Baadaye alienda eneo lenye vibanda vya chumba kimoja kimoja, amabavyo inaelezwa kuwa ni madanguro ambayo hutumika kufanyika biashara ya ukahaba hadi kwa wasichana wenye umri mdogo. Hata hivyo kila mlango aliojaribu kugonga ulikuwa umefungwa na hakuna aliyeitika na kufungua mlango.
“Hawa wakijua watu wa serikali wanakuja hapa basi hufunga biashara zote, sasa na hapa wamefunga, si rahisi kumpata mtu,” alisikika kijana mmoja mwenyeji wa eneo hilo akisema.
Akizungumza kwenye mkutano wa hadhara uliofanyika Shule ya Msingi Tandale, Mkuu wa Mkoa Paul Makonda alisema serikali inafanya mipango ya kupata wawekezaji ili kununua eneo hilo la Uwanja wa Fisi na kuwalipa fidia wakazi wa eneo hilo ili vibanda vyote vivunjwe na kujengwa vitegauchumi badala ya kuliacha eneo hilo liharibu maisha ya vijana.

Mkuu wa mkoa wa Dar es Salaam, Paul Makonda akibisha hodi kwenye mlango mmoja katika banda linalodaiwa kutumiwa kwa biashara ya ukahaba, katika eneo maarufu kwa jina la Uwanja wa Fisi, lililopo, Tandale Kata ya Manzese, akiwa katika siku ya tisa ya ziara yake mkoani humo leo. Kulia ni Mkuu wa Wilaya ya Kinondoni, Salum Hapi. Ebdelea kuona taswira mbalimbali katika picha kama zilivyopigwa na Blogger na Msimamizi Mkuu wa theNkoromo Blog, Bashir Nkoromo, ambaye ameambatana na Makonda kwenye ziara hiyo.
Kamanda wa Polisi Kanda Maalum ya Dar es Salaam, Simon Sirro, akimsaidia Mkuu wa mkoa wa Dar es Salaam, Paul Makonda kubisha hodi kwenye mlango mmoja katika banda linalodaiwa kutumiwa kwa biashara ya ukahaba, katika eneo maarufu kwa jina la Uwanja wa Fisi, lililopo, Tandale Kata ya Manzese. 
Mkuu wa mkoa wa Dar es Salaam, Paul Makonda akikabidhiwa bia na mhudumo wa baa pekee aliyoikuta ikiwa wazi, wakati wa ziara hiyo katika eneo la Uwanja wa Fisi

MBEYA NDIO JIJI LA PILI KUWA NA MADHEHEBU MENGI AFRIKA, SOMA HAPA

Jiji la Mbeya ni la pili kwa wingi wa madhehebu barani Afrika likiongozwa na Lagos lililopo Nigeria.

Kwa mujibu wa Mkuu wa Wilaya ya Mbeya, Paul Ntinika, jiji hilo lina makanisa 450 na Mtaa wa Sae pekee una madhehebu tisa huku Mtaa wa Simike ukitajwa kuongoza kwa vituo vya maombezi.

Meya wa Jiji la Mbeya, Mchungaji David Mwashilindi ambaye ni kiongozi wa Kanisa la International Evangerism Assemblies of God, amesema migogoro ndani ya madhehebu, uroho wa madaraka na utapeli ni miongoni mwa sababu ya watu kuamua kuanzisha madhehebu kila kukicha.

Meya huyo ambaye pia ni msimamizi wa kanisa hilo katika mikoa ya Ruvuma, Iringa, Njombe na Rukwa, amesema hakuna ubaya wa kuwa na madhebu mengi kama yanaanzishwa kwa kufuata utaratibu, sheria na misingi ya Mungu.

Amesema madhehebu mengi ya kilokole jijini humo yaliibuka baada waamini kuamua kujitenga madhehebu yao ya awali kutokana na migogoro.

“Kuna madhehebu yanamiliki vyuo vya wachungaji wanaosomea kwa mujibu wa maadili ya Mungu, kama Lutherani, Wakatoliki, Moravian, Wasabato na la kwangu, lakini tatizo wapo wachungaji wa kujipachika ambao mara nyingi wanatiliwa shaka kwa vitendo vyao,” amesema meya huyo.

Mwananchi.

VIDEO: FAHAMU KIJIJI TAJIRI ZAIDI DUNIANI NA MAAJABU YAKE, TAZAMA HAPA

Kijiji tajiri zaidi nchini China Huaxi, kilianza kikiwa kijiji maskini cha wakulima, na sasa ni kijiji kinachosemekana kuwa ni tajiri sana duniani na ni cha kikoministi.

Ukubwa wa hekta 240, na kina watu 2000 waliosajiliwa na kupokea Huduma za Afya na Elimu bure, na nyumba na magari yao wote ni ya kifahari. Ndani ya kijiji hicho kuna ukumbi mkubwa sana unaweza kuwatosheleza wakazi wote ndani.

Ukiwa kama mkazi wa kijiji hicho, huruhusiwi kuongea na na waandishi wa habari na vile vile ni marufuku kucheza kamali na kutumia madawa yoyote ya kulevya. Kila mtu anafanya kazi siku zote saba za wiki na ukiamua kuondoka unapoteza kila kitu na kuondoka kama ulivyo. SWAHILI

WANAFUNZI IFM WAVULIWA MAJOHO KATIKATI YA MAHAFALI, SOMA HAPA

Chuo cha Usimamizi wa Fedha (IFM) kimeanza utekelezaji wa agizo la Waziri wa Elimu, Sayansi, Teknolojia na Mafunzo ya Ufundi, Profesa Joyce Ndalichako, kwa kuwazuia wahitimu wa ngazi ya cheti na stashahada kuvaa majoho na kofia wakati wa mahafali yao.

Kitendo hicho kilitokea katika Viwanja vya Karimjee, Dar es Salaam juzi baada ya mratibu wa mahafali ya 42 ya IFM, Dk. Godwin Kaganda, kutangaza utaratibu huo licha ya wahitimu wao kuvaa majoho yao.

Dk. Kaganda alisema utaratibu huo ni kwa mujibu ya miongozo iliyotolewa na Serikali kuhusu uvaaji wa majoho, ambao unataka yavaliwe na wahitimu wa kuanzia ngazi ya shahada na kuendelea.

“Wahitimu wote wa ngazi ya cheti na stashahada hamtovaa majoho wala kofia pamoja na kwamba mlishapewa awali, tunaomba radhi kwa sababu ndiyo miongozo tuliyopewa,” alisema Dk. Kaganda.

Wiki iliyopita, Profesa Ndalichako  alipokuwa akiwatunuku vyeti wahitimu wa mafunzo ya uongozi na usimamizi wa elimu kwa njia ya masafa, iliyotolewa na Wakala wa Usimamizi na Uongozi wa Elimu (ADEM) mkoani Mbeya, alisema kumekuwa na matumizi holela ya majoho suala linaloshusha hadhi yake na kuagiza yavaliwe kuanzia ngazi ya shahada.

“Siku hizi hata mwanafunzi akimaliza chekechea anavalishwa joho. Nafikiri haya majoho yangebaki kwa wanaohitimu digrii peke yake, ili hawa wengine nao watamani kufika ngazi hiyo na si kila mtu anavaa,” alisema Profesa Ndalichako.

Katika mahafali hayo, jumla ya wanafunzi 2,857 wa ngazi za cheti, stashahada, shahada, stashahada ya uzamili na shahada ya uzamili walihitimu masomo yao.

Akizungumza katika mahafali hayo, Mwenyekiti wa Baraza la IFM, Profesa Letisi Rutashoga, alielezea changamoto katika utekelezaji wa mpango wa muda mrefu wa chuo hicho, ikiwamo kupanua miundombinu na utoaji wa taaluma.

Alizitaja changamoto hizo kuwa ni uhaba wa fedha za kuanza mradi wa ujenzi wa kampasi mpya ya Msata iliyopo Bagamoyo na kuiomba Serikali kuupangia Sh bilioni 2.5 katika mwaka ujao wa fedha.

Pia aliomba kuyafanyia kazi mapendekezo ya kubadilisha sheria namba 3 ya mwaka 1972 iliyoanzisha chuo hicho, ili iweze kuendana na malengo ya sasa ya uendelezaji wa chuo.

Picha NYINGINE inayoashiria Aunty Ezekiel na Mose Iyobo wanatarajia mtoto wa pili.. JIONEE HAPA

Moja kati ya picha ambazo zimekuwa zikisambaa kwa kasi katika mtandao wa Instagram leo Jumamosi ya November 26 ni picha ya muigizaji Aunty Ezekiel pamoja na mpenzi wake Mose Iyobo.

Picha hiyo ambayo imepostiwa na baadhi ya watu ikiwemo Mose Iyobo mwenyewe inamuonesha Aunty Ezikiel akiwa mjamzito, kitu ambacho kimefanya baadhi ya mashabiki wao kutoa comment za pongezi.

Kama utakuwa unakumbuka vizuri Mose Iyobo na Aunty Ezekiel wana mtoto wa kike anayejulikana kwa jina la Cookie hivyo kwa mujibu wa post ya Mose Iyobo inawezekana wakawa wanatarajia mtoto wa pili.

VIDEO: Chelsea ilivyovunja rekodi ya Spurs Jana


Moja kati ya michezo iliyokuwa inasubiriwa kwa hamu usiku wa November 26 ni mchezo kati ya Chelsea dhidi ya Tottenham Hotspurs katika uwanja wa Stamford Bridge, huu ni mchezo ambao Spurs walikuwa wanaingia Stamford Bridge wakiwa hawajakubali kufungwa hata mchezo mmoja msimu huu.

Usiku huo wa November 26 Chelsea imevunja rekodi ya Spurs kwa kuifunga goli 2-1, magoli ya Chelsea yakifungwa na Pedro Rodriguez dakika ya 45 na Victor Moses dakika ya 51, wakati goli pekee ya Totteham lilifungwa mapema kabisa mwanzo mwa mchezo dakika ya 11 na Christian Eriksen.


Marekani imeipa dunia somo muhimu kupitia Donald Trump, Soma Hapa

Ushindi wa Donald Trump kuwa Rais wa Marekani una maana moja kubwa kwamba nchi hiyo ni taifa la Wamarekani na siyo zaidi ya hapo.

Kama dunia ingekuwa inapigakura kumchagua Rais wa Marekani, hakuna shaka yoyote kuwa aliyekuwa mgombea urais wa nchi hiyo kwa tiketi ya Democratic, Hillary Clinton angeshinda kwa kura nyingi.

Hillary alikuwa mgombea pendwa kwa watu wa ulimwengu, lakini Trump alizungumza yenye kuwapendeza Wamarekani wengi hususan wajumbe 538 wenye kura ya uamuzi juu ya nani awe Rais wa Marekani (US Electoral College) ndiyo maana wamemchagua.

Huu siyo wakati wa kusema dunia imeshangazwa au ulimwengu umepokea kwa mshtuko matokeo ya uchaguzi wa urais wa Marekani. Badala yake dunia imepata nafasi pana ya kujifunza kuhusu siasa za Marekani, demokrasia na tafsiri iliyomo ndani ya ubongo wa Wamarekani.

Ushindi wa Trump pamoja na mchakato wa uchaguzi ulivyokuwa, unaziingiza darasani nchi nyingi hususan zile za ulimwengu wa tatu. Inaweza kubainika kuwa tabaka la watawala na wafanyabiashara mitazamo yao juu ya siasa za duniani, haishabihiani na ile ya Wamarekani walio wengi hususan Wazungu.

Tafsiri ya ulinzi kwa Marekani na nguvu yao kama taifa, imetofautiana kati ya ile ya watawala na wafanyabiashara wakubwa dhidi ya wananchi wengi wa kawaida. Ushindi wa Trump unaonyesha kuwa sera ya Marekani ya diplomasia haiakisi matakwa ya Wamarekani walio wengi.

Sera ya Marekani kujihusisha na amani ya mataifa mengine, kukaribisha wageni kisha kuwapa uraia kama sehemu ya kuifanya nchi hiyo kuwa taifa lenye nguvu duniani haina mapokeo chanya kwenye vichwa vya Wamarekani wengi.

Kimsingi, darasa nambari moja ni kuwa Trump alitumia sera ambazo ndizo hasa kundi la Wamarekani wengi wanapenda na walihitaji apatikane mtu wa kuwajengea matarajio. Trump aliliona na alijua nini ambacho kingewakuna wapiga kura.

Ubongo wa Mmarekani

Trump ni Mmareani na ni aina ya watu wenye kujichanganya sehemu mbalimbali. Mbali na kuwa mfanyabiashara, vilevile ni mtu wa hekaheka kwenye kumbi za starehe na matukio mengi ya kimichezo na burudani.

Hivyo, Trump anaishi Marekani na katika makutano yake anajua ndani ya ubongo wa Wamarekani wenzake kuna nini. Alichoamua ni kufanyia kazi sauti za Wamarekani ambao wananung’unika chini kwa chini.

Hii ndiyo sababu wakati Trump akijenga hoja zake, wengi walimpuuza na kumbeza. Walimuona kama mwendawazimu, lakini mwenyewe alijiamini mpaka mwisho. Kilichokuwa kinampa jeuri siyo kingine, bali Wamarekani wengi ambao hawakuwa na ujasiri wa kusema manung’uniko yao waziwazi.

Ndani ya ubongo wa Wamarekani kuna chuki na hawataki aina ya ushirikiano wa kimataifa ambao taifa lao linao. Ubongo wa Wamarekani wengi unawaza kile ambacho Trump alikihubiri dhidi Waislam, wahamiaji, kuweka ukuta wa kutenganisha Marekani na Mexico pamoja na hoja nyingine nyingi.

Ukiingia kwenye ubongo wa Wamarekani, maana yake hakuna msamiati wa umoja, ndiyo sababu imekuwa rahisi Trump na hoja zake za kugawa watu, ameweza kukubalika na kuchaguliwa.

Fundisho lingine la Marekani kwa ushindi wa Trump ni suala la ndoa za jinsia moja. Nchi za ulimwengu wa tatu zinaburuzwa kweli, zinalazimishwa kukubali na kutunga sheria za kuruhusu wanaume kuoana wao kwa wao, vivyo hivyo kwa wanawake.

Inaaminishwa kuwa huo ndiyo ustaarabu wa kisasa. Kwamba mwanaume na mwanaume kutokuoana ni sheria za kale na zenye kukosa ustaarabu, vilevile zinakiuka haki za binadamu. Wanawake kuzuiwa kufunga ndoa wao kwa wao ni ukatili na siyo utu.

Ushindi wa Trump umetuma ujumbe muhimu kuwa hata Marekani hawataki ndoa za jinsia moja. Kumbe wenye kutaka hayo mambo ni wachache ambao huthubutu kulazimisha waliyoyaona kwao yanafaa basi yafae kwenye jamii nyingine ambazo vitendo hivyo siyo tu kuwa havikubaliki, bali pia dhambi kubwa mbele ya Mungu.

Trump alijitambulisha wazi kupingana na sheria za mashoga zenye kuruhusu mapenzi ya jinsia moja. Hillary alijitambulisha kama mtu wa haki za binadamu, kwa hiyo alitaka watu wa mapenzi ya jinsia moja wapewe uhuru wao. Mwisho Trump ndiye ameshinda.

Somo la demokrasia

Wamarekani wanaheshimu demokrasia na kama siyo hivyo basi Trump angeisikia Ikulu ya Marekani (White House) kwenye bomba, vilevile sasa hivi asingekuwa anaelekea kwenye kiti cha ofisi ya Rais wa Marekani (The Oval Office).

Trump alipingwa kila upande lakini ameweza kuvuka vikwazo vyote kisha kutangazwa mshindi na sasa anasubiri Januari 20, mwakani ifike, aapishwe tayari kuanza kulitumikia taifa hilo kubwa ulimwenguni.

Tabaka la juu la Wamarekani halikumtaka kabisa Trump. Na kwa masilahi mapana ya uliwengu, ilikuwa dhahiri kuwa vyema Trump ashindwe. Shida ni kuwa Marekani hakuna fursa ya kuvuruga sauti za wengi kwa maslahi ya wachache.

Alishinda kwenye chama kisha amekuwa mshindi kwenye uchaguzi wa taifa. Hillary ambaye alikuwa anapewa kipaumbele, huku kura za maoni zikimtaja mshindi mpaka siku ya mwisho, ameshindwa katika kura za wajumbe wa uchaguzi (Electoral College), maarufu kama wachaguzi (electors).

Somo kuhusu demokrasia linaweza kutazamwa hapo na athari zake, kwamba jamii kubwa inaweza kuwa na mawazo ambayo si mazuri kutokana na upepo wa kisiasa lakini wachache wenye kuelewa mambo wakashindwa kudhibiti.

Imetokea Trump kushinda wakati watu wenye maono ya mbali wanamwona ni mtu hatari kwa usalama wa dunia, lakini wameshindwa kumzuia. Demokrasia imemuwezesha kwenda kutenda yale ambayo wenye jicho la mbali wanaona ipo hatari inakuja.

Ni demokrasia hiyo ambayo iliamua Uingereza kujitoa Umoja wa Ulaya (EU), japokuwa wachache wenye kuona mbali, waliona ulikuwa ni uamuzi mbaya mno. Demokrasia ikashinda.

Demokrasia ilimpa Urais wa Liberia, Charles Taylor miaka ya 1990, pamoja na kelele nyingi kuwa alikuwa mtu mbaya na alishiriki mauaji ya watu wengi. Vijana wakasema “alimuua baba, alimuua mama, nitamchagua hivyohivyo”, miaka miwili baadaye demokrasia ikaonekana iliamua vibaya kuhusu Taylor. Waliberia wakajuata.

Inaweza kutokea baadaye Wamarekani wakajua kwa uamuzi wao dhidi ya Trump, kama ambavyo Uingereza inasubiriwa mno ijutie uamuzi wake wa kujitoa Umoja wa Ulaya.

Katika urais, msingi mmojawapo wa vyama vya siasa ni udhibiti wa wagombea. Trump hakudhibitiwa Republican, kwa hiyo Wamarekani wamepata Rais ambaye wenye macho hawaelewi sura ya uongozi wake itakuwaje. wana wasiwasi mwingi juu yake na hatma ya nchi yao.

Uhuru wa dola

Uchaguzi wa Marekani umefundisha kuwa vyombo vya dola nchini humo vipo huru dhidi ya yeyote. Kitendo cha FBI kutangaza kumfanyia uchunguzi wa kihalifu Hillary kuhusiana na matumizi mabaya ya ofisi ya umma, ulikuwa uthubutu mkubwa ambao haupatikani kwenye nchi nyingi.

Afrika, mgombea wa chama tawala huchukuliwa kama tayari ni Rais, kwa hiyo wakati mwingine hufanya uamuzi kama kiongozi aliyekwishaapa kutumikia nafasi ambayo anagombea. Yaliyotokea Marekani yanapaswa kuwa masomo kwa mataifa mengine kutambua vyombo vya dola vinapaswa kuwa huru hata kama anayechunguzwa ni mtu muhimu kwenye chama tawala.

Mwandishi ni mchambuzi wa masuala ya siasa na jamii. Baruapepe: www.luqmanmaloto.com

Mkapa Ampongeza Kikwete Kwa Ujenzi Wa Chuo Cha Udom.

RAIS mstaafu katika serikali ya Awamu ya Tatu, Benjamin Mkapa, amempongeza Rais wa Awamu iliyopita, Jakaya Kikwete, kwa kuthubutu na kuwezesha ujenzi wa Chuo Kikuu cha Dodoma (Udom). 

Akizungumza katika mahafali ya saba ya chuo hicho, alisema Maono ya chuo hicho yalianza na serikali zote tatu ikiwamo aliyoiongoza lakini hakuweza kuthubutu.

“Nampongeza mzee Kikwete kwa kuweza kuthubutu na kufanikisha ujenzi wake na leo tupo hapa.Mradi wa ujenzi wa chuo hichi, uliafikiwa na Chama Cha Mapinduzi (CCM) tangu utawala wa Rais wa Awamu ya Kwanza, Hayati Julius Nyerere, Ali Hassan Mwinyi (awamu ya pili) na kisha mimi lakini wote hatukuweza kuthubutu,”alisema Mkapa.

Kadhalika, Rais Mkapa alishauri Wizara ya Elimu, Sayansi na Teknolojia ikutane na kufanya mazungumzo na Vyuo Vikuu vinavyomilikiwa na Serikali ili kuchambua matatizo yanayotokea mara kwa mara. 


Alisema ni vyema uwepo mkutano wa wenyeviti wa vyuo hivyo ili kufahamu gharama wanzotumia kwa ajili ya uendeshaji wake.

Hata hivyo alibainisha idadi ya wanachuo kila kukicha inaongezeka na nakusababisha vyuo hivyo kushindwa kujiendesha, hivyo jambo bora ni kukutana kwa wenyeviti hao na kujadiliana kuhusu gharama za uendeshaji wake.


 Hata hivyo alisema kutoa amri na maagizo kwa wanachuo kila wakati, si suluhisho la kumaliza migogoro vyuoni, lakini pale wenyeviti wa Vyuo Vikuu vyote wakikutana pamoja na kufahamu gharama zao za uendeshaji, kuna uwezekano wa kutatua kero zote.

Naye makamu Mkuu wa Chuo hicho, Prof, Idris Kikula, alisema wahitimu hao wanakabiliwa na changamoto ya upatikanaji ajira ambayo kwa sasa imekuwa tishio duniani huku akiwashauri kujiajiri na kuacha kutegemea ajira serikalini kutokana na tatizo hilo kuwa la kidunia.
 Mkuu wa Chuo UDOM ambaye ni Rais Mstaafu Benjamin Mkapa akitunuku Shahada mbalimbali katika mahafali ya saba ya chuo hicho.
 Wahitimu wa Mahafali ya saba ya Chuo cha Udom.
Wahitimu wa Shahada ya Uzamili katika Chuo cha Udom wakiwa katika nyuso za furaha baada ya kuhitimu.

Majaliwa: Tumetoa Kipaumbele Kikubwa Katika Sekta Ya Elimu


WAZIRI MKUU Kassim Majaliwa amesema  Serikali ya Awamu ya Tano chini ya uongozi wa Rais Dk. John Magufuli imetoa  kipaumbele kikubwa katika kuboresha sekta ya elimu nchini.

Amesema hatua imejidhihirisha kwenye bajeti ya mwaka 2016/2017 ambapo Serikali imetenga sh. trilioni 1.3 kwa ajili ya Sekta hiyo.

Waziri Mkuu alitoa kauli hiyo Ijumaa, Novemba 25,2016 kwenye harambee ya kuchangisha fedha kwa ajili ya uboreshaji wa shule nchini iliyofanyika katika ukumbi wa Diamond Jubilee, Dar es Saalam.

Akizungumza katika harambee hiyo iliyoandaliwa na Taasisi ya Hassan Maajar Trust,  Waziri Mkuu aliwahakikishia wananchi kwamba bajeti ya Sekta ya elimu itaendelea kuongezeka kadri uwezo wa Serikali utakavyokuwa unaimarika.

“Kama mnavyofahamu, Serikali iliamua kuanza mara moja, utekelezaji wa Ilani ya Uchaguzi ya CCM ya mwaka 2015 ambayo inaelekeza Serikali kutoa elimu bure kwa watanzania wote kuanzia shule ya Msingi hadi Sekondari,” alisema.

Alisema uamuzi huo ulikuja na changamoto mbalimbali, ikiwemo upungufu wa madawati kufuatia ongezeko kubwa la wanafunzi waliodahiliwa.

Alisema kufuatia hali hiyo, tarehe 15 Machi, 2016 Serikali iliwaagiza Wakuu wa Wilaya na Mikoa kuhakikisha tatizo la madawati linatafutiwa ufumbuzi wa kudumu kwa kuwashirikisha wananchi na wadau mbalimbali wa ndani na nje ya nchi.

“Napenda kuwaarifu kwamba, jitihada hizo zimeanza kuzaa matunda kwani baadhi ya mikoa tayari imemaliza tatizo hilo kwa shule za msingi na sekondari, wakati Mikoa mingine ipo katika hatua mbalimbali za utekelezaji,”.

“Hadi sasa Mikoa ambayo imekamilisha zoezi hilo kwa shule za msingi na sekondari na kubaki na madawati ya ziada ni Arusha, Iringa, Kilimanjaro, Manyara, Mbeya, Mtwara, Njombe, Pwani, Shinyanga, Singida na Tabora,” alisema.

Waziri mkuu alitumia fursa hiyo kuwapongeza viongozi na wananchi wa Mikoa hiyo kwa kushiriki kikamilifu katika kumaliza kadhia hiyo kwa wanafunzi ambao walikuwa wanakaa chini. “Huo ndio uongozi tunaoutaka, uongozi wa kusimama bega kwa bega na wananchi na kutatua kero zao”,.

Wakati huo huo aliipongeza taasisi hiyo kwa kutoa mchango mkubwa katika kumaliza upungufu wa madawati katika baadhi ya Mikoa nchini  kupitia harambee mbalimbali.

Alisema kati ya mikoa 13 iliyopata ufadhili kutoka ya Taasisi ya Hassan Maajar Trust, mikoa 10 kati yake imefanikiwa kumaliza tatizo la madawati kwa shule zote za msingi na sekondari.

Mikoa hiyo ni pamoja na Njombe, Rukwa, Singida, Pwani, Shinyanga, Lindi, Mbeya, Iringa, Mtwara, na Kilimanjaro.

“Hii inathibitisha kwamba jitihada za pamoja kati ya Serikali na asasi zisizokuwa za Kiserikali zinaweza kuleta ufumbuzi wa changamoto nyingi zinazolikabili Taifa letu,” alisema.

Kwa upande wake Mwenyekiti wa taasisi ya Hassan Maajar Trust Fund,    Balozi Mwanaidi Maajar, alisema tangu kuanzishwa kwa taasisi hiyo miaka mitano iliyopita  imefanikiwa kuwainua watoto takribani 30,000 kutoka sakafuni kufuatia kampeni ya Dawati kwa Kila Mtoto.

Rais Magufuli atunuku Kamisheni kwa Maafisa Wapya wa JWTZ Ikulu Dar..


Rais wa Jamhuri ya Muungano wa Tanzania na Amiri Jeshi Mkuu Dkt. John Pombe Magufuli, jana tarehe 26 Novemba, 2016 ametunuku Kamisheni kwa Maafisa Wanafunzi 194 wa Jeshi la Ulinzi la Wananchi wa Tanzania (JWTZ)  kundi la 59/15 katika viwanja vya Ikulu Jijini Dar es Salaam.


Hii ni mara ya kwanza kwa Maafisa Wanafunzi wa JWTZ kutunukiwa Kamisheni nje ya Chuo Cha Mafunzo ya Kijeshi Monduli kilichopo mkoani Arusha, na ni mara ya kwanza kwa Maafisa Wanafunzi wa JWTZ kutunukiwa Kamisheni ndani ya  Ikulu.



Maafisa hao ambao 168 ni wanaume na 26 ni wanawake, wametunukiwa Kamisheni katika cheo cha Luteni Usu na sasa wamekuwa Maafisa Wapya wa JWTZ.



Kabla ya kutunuku Kamisheni, Rais na Amiri Jeshi Mkuu Dkt. John Pombe Magufuli alikagua gwaride rasmi lililoandaliwa na Maafisa wanafunzi wa JWTZ na baadaye akashuhudia uhodari wa askari kutoka kikosi cha maadhimisho cha JWTZ waliofanya onesho la gwaride la kimyakimya.



Akizungumza baada ya chakula cha mchana katika ukumbi wa Ikulu, Rais na Amiri Jeshi Mkuu Dkt. John Pombe Magufuli alimpongeza Mkuu wa Majeshi ya Ulinzi Jenerali Davis Mwamunyange, Makamanda na Askari wote wa JWTZ kwa jukumu kubwa wanalolitekeleza la kuhakikisha nchi ipo salama na amesema Serikali itahakikisha inaboresha zaidi maslai na mazingira ya kazi kwa Jeshi hilo na vyombo vingine vya ulinzi na usalama.



Aidha, Rais Magufuli alisema ameamua tukio hili la kutunuku Kamisheni lifanyike Ikulu Jijini Dar es Salaam kwa lengo la kutoa heshima kwa Maafisa wa JWTZ kama ambavyo Viongozi wengine Serikalini wamekuwa wakipata heshima ya kuapishiwa Ikulu.



"Kwamba Mawaziri tunapotaka kuwaapisha tunawaapishia hapa, Wakuu wa Mikoa tunawaapishia hapahapa, Makatibu Wakuu tunawaapishia hapahapa, kwa nini hawa Maafisa wa Jeshi tusiwaapishie hapahapa kwenye nyumba yao? Nyinyi ndio mnalinda nchi, nyinyi ndio mnasimamia usalama wa nchi hii, lakini nikiuliza hapa inawezekana wengine mpaka wamekuwa Mabrigedia Jenerali hawajawahi kukanyaga Ikulu, wakati hapa ni kwenu" alisema Rais Magufuli.



Sherehe za kutunuku Kamisheni kwa Maafisa Wanafunzi hao zilihudhuriwa na Waziri Mkuu Mhe. Kassim Majaliwa, Waziri wa Ulinzi na Jeshi la Kujenga Taifa Dkt. Hussein Mwinyi na Wakuu wa Jeshi la Ulinzi wastaafu na Majenerali wastaafu wa JWTZ.



Gerson Msigwa

Mkurugenzi wa Mawasiliano ya Rais, IKULU

Dar es Salaam


Amiri Jeshi Mkuu Rais wa Jamhuri ya Muungano wa Tanzania Dkt. John Pombe Joseph Magufuli akitunuku kamisheni kwa Maafisa Wanafunzi wa Kundi la 59/15 wa Jeshi la Wananchi la Tanzania (JWTZ) katika viwanja vya Ikulu jijini Dar es salaam  Novemba 26, 2016

Amiri Jeshi Mkuu Rais wa Jamhuri ya Muungano wa Tanzania Dkt. John Pombe Joseph Magufuli akikagua gwaride la heshima linaloundwa na Maafisa Wanafunzi wa Kundi la 59/15 wa Jeshi la Wananchi la Tanzania (JWTZ) kabla hajawatunuku kamisheni katika viwanja vya Ikulu jijini Dar es  salaam  Novemba 26, 201.


 Amiri Jeshi Mkuu Rais wa Jamhuri ya Muungano wa Tanzania Dkt. John Pombe Joseph Magufuli akiweka saini kwenye hati  ya  kamisheni kwa Maafisa Wanafunzi wa Kundi la 59/15 wa Jeshi la Wananchi la Tanzania (JWTZ) kabla hajawatunuku katika viwanja vya Ikulu jijini Dar es salaam Novemba 26, 201


Amiri Jeshi Mkuu Rais wa Jamhuri ya Muungano wa Tanzania Dkt. John Pombe Joseph Magufuli akiweka saini kwenye hati  ya  kamisheni kwa Maafisa Wanafunzi wa Kundi la 59/15 wa Jeshi la Wananchi la Tanzania (JWTZ) kabla hajawatunuku katika viwanja vya Ikulu jijini Dar es salaam Novemba 26, 201


 Amiri Jeshi Mkuu Rais wa Jamhuri ya Muungano wa Tanzania Dkt. John Pombe Joseph Magufuli akiongea baada ya kutunuku  kamisheni kwa Maafisa Wanafunzi wa Kundi la 59/15 wa Jeshi la Wananchi la Tanzania (JWTZ) katika ukumbi wa mikutano wa Ikulu jijini Dar es salaam  Novemba 26, 201.


 Amiri Jeshi Mkuu Rais wa Jamhuri ya Muungano wa Tanzania Dkt. John Pombe Joseph Magufuli akiongea baada ya kutunuku  kamisheni kwa Maafisa Wanafunzi wa Kundi la 59/15 wa Jeshi la Wananchi la Tanzania (JWTZ) katika ukumbi wa mikutano wa Ikulu jijini Dar es salaam Novemba 26, 201



PICHA NA IKULU

Serikali yampokonya Sumaye shamba lake lenye ukubwa wa hekta 33..


Waziri Mkuu mstaafu, Frederick Sumaye amepokonywa na Serikali shamba lake lenye ukubwa wa hekta 33 kwa kile kilichoelezwa kushindwa kuliendeleza.

Mkuu wa Wilaya ya Kinondoni, Ally Hapi amesema kuwa Serikali imefikia uamuzi huo baada ya Sumaye kushindwa kuliendeleza kama notisi ya siku 90 ilivyoeleza.

“Oktoba 28, mwaka huu. Rais John Magufuli alibatilisha hati ya kumiliki ardhi ya shamba namba 3074 lililopo Mabwepande. Shamba hili lilikuwa na hati namba 53086. Jina la mmiliki lililoandikwa katika hati ni Frankline Sumaye,” amesema Hapi.

Sumaye ambaye alikuwa ni mmoja wa wasemaji tegemeo katika mikutano ya kampeni ya Uchaguzi Mkuu uliopita ya Umoja wa Katiba ya Wananchi (Ukawa), anamiliki mashamba makubwa yaliyoko Morogoro na Mabwepande Dar es Salaam.

Baada ya Rais Magufuli kubatilisha hati hiyo, Hapi amesema kuanzia sasa ni marufuku kwa Sumaye kujihusisha na shamba hilo.

Kwa sababu hati yake imeshabatilishwa na akibainika kufanya chochote vyombo vya dola vitachukua nafasi yake.

“Vyombo vya ulinzi na usalama watakuwapo kwa ajili ya kuhakikisha kwamba shamba hili halitafanyiwa shughuli zozote, isipokuwa baada ya taratibu za manispaa zitakapofanyika,” amesisitiza Hapi.

Amesema amemwagiza Mkurugenzi Mtendaji wa Manispaa ya Kinondoni, Aron Kagurumjuli kupima viwanja vya shamba hilo na kwamba wananchi waliokuwa na mgogoro wa shamba hilo wafikiriwe.

Februari 5 mwaka huu, akiwa Morogoro, Rais John Magufuli aliwataka watu wote waliotelekeza mashamba kuyaendeleza, la sivyo atawanyang’anya na kuwapa wananchi.
© Copyright Nipashe Blog | Designed By Peruzibongo.com
Back To Top